ڕووسیا لێدوانەکانی ترەمپ سەبارەت بە بۆمبارانکردنی ئێران سەرکۆنە دەکات

ئاڤا نیوز

ڕووسیا لێدوانەکانی دۆناڵد ترەمپ، سەرۆکی ئەمریکا، سەبارەت بە هێرشکردنە سەر ئێران و بۆمبارانکردنی ئەو وڵاتە سەرکۆنە کرد.

لێدوانی فەرمی: سێرگی ڕیبابکۆڤ، یاریدەدەری وەزیری دەرەوەی ڕووسیا، ڕایگەیاند دانانی دوامۆڵەت لەلایەن ترەمپەوە بۆ ئێران کارەساتبارە. ئەو گوتیشی ئێمە ئەم هەڕەشانەمان بەلاوە ناشایستەیە و سەرکۆنەیان دەکەین و پێمانوایە ئەمریکا دەیەوێت لەم ڕێگایانەوە ویستی خۆی بە سەر ئێراندا بسەپێنێت.

لەلایەکی دیکەوە: یاریدەدەری وەزیری دەرەوەی ڕووسیا هۆشداریشی دا لەوەی هێرشکردنە سەر دامەزراوە ئەتۆمییەکانی ئێران لێکەوتەی نەرێنی بۆ تەواوی ناوچەکە دەبێت.

ئەوەی پێویستە بیزانیت: ترەمپ بە میدیاکانی وڵاتەکەی ڕاگەیاندبوو، ئەگەر ئێران لەگەڵ ئەمریکا سەبارەت بە پرسی ئەتۆمی نەگاتە ڕێککەوتن ئەوا بۆردومان دەکرێت.