هیندستان ڕێککەوتنێکی بازرگانی بە بەهای 100 ملیار دۆلار لەگەڵ ئەوروپا دەکات

ئاڤا نیوز 

 

هیندستان و چەند وڵاتێکی ئەندام لە کۆمەڵەی بازرگانیی ئازادیی ئەوروپی، بە بەهای 100 ملیار دۆلار ڕێککەوتنێکی بازرگانییان واژۆ کرد. 

 

بۆچی گرنگە؟ ئەم پڕۆژەیە هۆکارێکە بۆ رەخساندنی هەلی کار بۆ گەنجان و فروانکردنی وەبەرهێنان لە هیندستان و گەشەی بازرگانیی ئەوووپا بەهێزتر دەکات.

 

لێدوانی فەرمی: پیوش گۆیال، وەزیری بازرگانیی هیندستان: "کۆمەڵەی بازرگانیی ئازادیی ئەوروپا لە ماوەی 15 ساڵدا بە بەهای سەد ملیار دۆلار وەبەرهێنان لە هیندستان دەکات، کە پێنجەم گەورەترینە ئابووری لە جیهاندا".

 

گای پارمێلین، وەزیری ئابووریی سویسرا: "ڕێککەوتنەکە رێگەمان پێدەدات باشتر توانا ئابوورییەکانمان بەکاربهێنین و دەرفەتی زیاتر بۆ هیندستان و وڵاتانی کۆمەڵەی بازرگانیی ئازادیی ئەوروپا دروست بکەین".

 

زانیاریی زیاتر: کۆمەڵەی بازرگانیی ئازادیی ئەوروپی، لە ساڵی 1960 دامەزراوە و لە 2021دا یەکێک بوو لە گەورەترین 10 رێکخراوە بازرگانییەکانی جیهان. ئەندامەکانی پێکهاتوون لە نەرویج، ئایسلەندا، سویسرا و لیختنشتاین.