ئاکسیۆس: واشنتن پێشنیازی تاران بۆ دانوستاندنی ناڕاستەوخۆ تاوتوێ دەکات

ئاڤا نیوز

هاوتا لەگەڵ هەڵکشانی گرژییەکانی ڕۆژهەڵاتی ناوەڕاست و هەواڵەکان لەبارەی بە ئامانجکردنی ئێران لە لایەن ئیسرائیل و ئەمریکاوە، واشنتن تاوتوێی پێشنیازی تاران بۆ دانوستاندنی ناڕاستەوخۆ دەکات.

وێنە گەورەکە: بۆ گەیشتن بە ڕێککەوتن لەسەر بەرنامە ئەتۆمییەکەی ئێران، ئەمریکا داوای کردبوو لەگەڵ ئێران ڕاستەوخۆ بچنە نێو دانوستاندنەوە بۆ ئەو مەبەستەش دۆناڵد ترەمپ مۆڵەتی تەنیا دوو مانگی بە ئێران دابوو.

زانیاریی بەدەستهاتوو: پێگەی ئەکسیۆسی ئەمریکی بڵاویکردووە، تاوەکو ئێستا بابەتی دانوستاندن لە کۆشکی سپی مشتومڕی لەسەرە و بەشێک پێیان وایە دەتوانن لەگەڵ ئێران بگەنە ڕێککەوتن، بەڵام بەشێکی دیکە دەڵێن کە دانوستاندن لەگەڵ ئێران کوشتنی کاتە و پێویستە دامەزراوە ئەتۆمییەکانی ئێران بۆردوومان بکرێت.