عێراق مافی ئاو بۆ ماوه‌ی 10 ساڵ دەستەبەر دەکات

ئاڤا نیوز

 

وه‌زاره‌تی سه‌رچاوه‌كانی ئاوی عێراق ئاشکرای دەکات، به‌پێی ڕێكه‌وتنێک‌ لەگەڵ تورکیا، عێراق مافی  بەشەئاوی لە هەردوو ڕووباری دیجلە و فوڕات بۆ ماوەی 10 ساڵی داهاتوو دەستەبەرکردووە.

 

وێنە گەورەکە: بەگوێرەی ڕێككه‌وتنه‌كه‌ی نێوان عێراق و تورکیا،  به‌ڕێوه‌بردنی ڕووباری دیجله‌ و فوڕات بە هاوبه‌شی نێوان هەردوو وڵات، ئاڵوگۆڕی زانیاری بۆ به‌ڕێوه‌بردنی پڕۆژه‌كانی ئاودێری و وه‌به‌رهێنان له‌لایه‌ن كۆمپانیای توركییەوە به‌ هه‌ماهه‌نگی له‌گه‌ڵ ده‌سه‌ڵاتدارانی عێراق دەبێت.

 

لێدوانی فەرمی: خالید شه‌ماڵ، گوته‌بێژی وه‌زاره‌تی سه‌رچاوه‌كانی ئاوی عێراق ڕایگه‌یاند: به‌هۆی ڕێكاره‌كانی وه‌زاره‌تی سەرچاوەکانی ئاوەوە دۆخی ئاو له‌ عێراق کێشەی نییە و سه‌قامگیره‌. 

 

زانیاریی زیاتر: شه‌ماڵ ئاماژه‌ی به‌وه‌شكرد، وەزارەتی سەرچاوەکانی ئاو هه‌ڵمه‌تێكی سەرتاسەری بۆ لابردنی زێدەڕۆیی‌ سه‌ر ڕووباره‌كان و كه‌ناراوه‌كان و حه‌وزه‌كانی ماسی بێ مۆڵه‌ت دەستپێکردووە ، بەمەش  نزیكه‌ی 80 مه‌تر سێجا ئاوی له‌ چركه‌یه‌كدا دابینكردووه‌.