گیانلەدەستدان بەهۆی بوومەلەرزەکەی میانمار سێ هەزار کەسی تێپەڕاند

 

ئاڤا نیوز

تا دێت ژمارەی ئەوە کەسانەی بەهۆی بوومەلەرزە وێرانکەرەکەی میانمار بەرزتر دەبێتەوە و ژمارەی ئەوانەی گیانیان لەدەستداوە و بریندار بوونە گەیشتە نزیکەی هەشت هەزار کەس.

چیرۆکی سەرەکی: ڕۆژی هەیینی 2025-03-28، بوومەلەرزەیەکی بەهێز ناوەڕاستی میانمار و سنووری تایلەندی هەژاند، بە گوێرەی ئاژانسی جیۆلۆجیی ئەمریکی بوومەلەرزەکە بە گوڕی 7.7 پلەی ڕێختەر بووە و لە پێنج  وڵاتی دەورووبەریش هەستی پێکراوە.|

ڕاگەیێنراوی فەرمی: دەسەڵاتدارانی میانمار ڕایانگەیاند: بەهۆی دۆزینەوەی تەرمی زیاتری هاووڵاتییان لە ژێر پاشماوەی باڵەخانە و داروپەردوودا، ژمارەی ئەو کەسانەی گیانیان لەدەستداوە گەیشتە سێ هەزار و 85 کەس.

زیانە سەرەکییەکان: بەهۆی بومەلەرزەکەی میانمار، چوار هەزار و 715 کەس برینداربوون و 341 کەسیش بێسەروشوێنن، ئەمە جگە لە زیانی ماددی زۆر کە بەر وڵاتەکەوە کەوتووە، هاوکات لە بانکۆکی پایتەختی تایلەندیش بەهۆی بومەلەرزەکەوە 30 کەس گیانیان لەدەستداوە و 59 کەسی دیکەش بێسەرشوێنبوون.

لە لایەکی دیکەوە: ڕێکخراوە فریاگوزارییەکان هۆشداری دەدەن لەوەی ژمارەی ڕاستەقینەی بێسەروشوێنەکان زۆر زیاتر بێت لە ئامارە فەرمییەکان.