براوەی بەرنامەی سەلام سەلامی ئۆتۆمبێلەکەی وەردەگرێت

ئاڤا نیوز

شەوی ڕابردوو براوەی 24 بەرنامەی سەلام سەلامی ڕاگەیێنرا هاووڵاتییەکی دانیشتووی سنووری کۆیە، ئۆتۆمبێلێکی سفر کیلۆمەتری بۆ دەرچوو، ئەمڕۆ ئۆتۆمبێلەکەی ڕادەست دەکرێت.

وێنە گەورەکە: سەلام سەلامی، ئەو بەرنامە پڕ زانیارییەی شەوانی ڕەمەزان هەمووانی لە دەوری خۆی کۆدەکردەوە، بەشداربووانیش بە هەگبەی پڕ زانیارییەوە بەشداریان کرد، دیارییان دەبردەوە، شەوی ڕابردووش براوەی ئۆتۆمبێلەکە کە خەڵاتی کۆتایی بوو ڕاگەیێنرا.

زانیاریی بەدەستهاتوو: ڕەمەزان جەوهەر، ئەو هاووڵاتیەیە ئۆتۆمبێلەکەی بۆدەرچووە کە لەلایەن کۆمپانیای ئین گۆت برۆکەرس دابینکراوە و ئەمڕۆ دێتە ئاڤا و سویچەکەی وەردەگرێت.

ئەمەش بزانە: لە کۆی 24 بەرنامەی مانگی ڕەمەزان 191 پەیوەندی لەسەرجەم شارە جیاوازەکانی کوردستان وەرگیران. 115 کەس ناویان خراوە ناو تیروپشک بۆ وەرگرتنی ئۆتۆمبێلێکی سفر کیلۆمەتر و ڕەمەزان جەوهەر ناوی لە تیروپشکەکە دەرچوو.