ئیتاڵیا دەرزی جۆری ڤیتامین D بۆ هەرێمی کوردستان دابین دەکات

ئاڤا نیوز

 

هێزەکانی هاوپەیمانیی ئیتاڵیا بڕێکی زۆر دەرزی جۆری ڤیتامین D بۆ هەرێمی کوردستان دابین دەکەن.

 

وێنە گەورەکە: ڕۆژی 3-4-2025، بە ئامادەبوونی د.سامان بەرزنجی، وەزیری تەندروستی هەرێمی کوردستان و نیكۆلۆ فۆنتانا، باڵیۆزی ئیتاڵیا لە عێراق، د. دلۆڤان محەممەد، بەڕێوەبەری گشتیی تەندروستی هەولێر، تۆماسۆ سانسۆن، کونسوڵی گشتیی ئیتاڵیا، تیمی سەربازیی هاوپەیمانانی ئیتاڵیا و فەرماندەی هێزەکانی ئیتاڵیا و تیمی پزیشکیی سەربازیی ئیتاڵی لە هەرێمی کوردستان، لە مەراسیمێکدا بڕێکی زۆری دەرزی جۆری ڤیتامین D بەخشییە هەرێمی کوردستان.

 

ڕاگەیێنراوی فەرمی: وەزارەتی تەندروستیی حکومەتی هەرێمی کوردستان بڵاویکردەوە: لەلایەن تیمی پزیشکیی سەربازیی هێزەکانی هاوپەیمانانی ئیتاڵیا، بڕێکی زۆری دەرزی لە جۆری ڤیتامین D بۆ هەرێمی کوردستان دابین کرا.

 

ئەوەی پێویستە بیزانیت: ئیتاڵیا لە ساڵانی ڕابردوودا ڕۆڵی گەورەی لە هاوکاریکردن و پاڵپشتیکردنی دامودەزگاکانی تەندروستیی هەرێمی کوردستان هەبووە، هەروەها چەندین جار پڕۆژەی گەورە و خێرخوازی جۆراوجۆریان هەبووە.