بەهۆی بۆردوومانەکانی ئەمریکا، ئێران دەستبەرداری حووسییەکان دەبێت

ئاڤا نیوز

 

ئێران فەرمانی بە هێزە سەربازییەکانی لە یەمەن کردووە لەو وڵاتە بکشێنەوە و هاوپەیمانە حوسییەکانی بەجێهێشتووە ئەمەش دوای ئەوەی ئەمریکا هەڵمەتێکی بەرفراوانی هێرشی ئاسمانی بۆ سەر حووسییەکان دەستپێکردووە.

 

وێنە گەورەکە: نزیکەی مانگێکە هێرشەکانی ئەمریکا بۆسەر حوسییەکانی یەمەن بەردەوامە و ئێران نایەوێت ڕاستەوخۆ ڕووبەڕووی ئەمریکا ببێتەوە.

 

لێدوانی فەرمی: بەرپرسێکی باڵای ئێران بە ڕۆژنامەی تەلگرافی بەریتانی ڕاگەیاندووە، بەگوێرەی فەرمانێک هێزە سەربازییەکانی ئێران لە یەمەن کشاونەتەوە.

زانیاریی زیاتر: "ئامانجی ئەم هەنگاوە خۆبەدوورگرتنە لە ڕووبەڕووبوونەوەی ڕاستەوخۆ لەگەڵ ئەمریکا لە ئەگەری کوژرانی سەربازانی ئێرانی".

ئەوەی پێویستە بیزانیت:  "ئێران ستراتیژیەتی پشتیوانیکردن لە گرووپە چەکدارەکان لە ناوچەکە کەمدەکاتەوە، بۆ ئەوەی لەبری ئەوە سەرنجی لەسەر هەڕەشە ڕاستەوخۆکانی ئەمریکا بێت چونکە خەمی سەرەکی تاران ترەمپ و چۆنیەتی مامەڵەکردن لەگەڵ ئەودایە". ئەو بەرپرسە ئێرانییە وا دەڵێت.