باڵی گردی زەرگەتەی بزووتنەوەی گۆڕان سێیەمین کۆنفڕانسی خۆی دەبەستێت

ئاڤا نیوز

 

باڵی گردی زەرگەتەی بزووتنەوەی گۆڕان سێیەمین كۆنفرانسی بزووتنەوەکە دەبەستێت و باڵی گەڕەکی کوردسات-یش بۆچوونی جیاوازی هەیە.
 
چیرۆکی سەرەکی: مانگی ڕابردوو فەرمانگەی پارت و ڕێكخراوە سیاسییەكان داوای لە باڵی گردی زەرگەتەی گۆڕان كردووە كۆنفرانسی ڕێكخستنەوەی بزووتنەوەکە ببەستن، هاوکات هەردوو باڵی گەڕەکی کوردسات و گردی زەرگەتە خۆیان بە خاوەن ڕاستەقینەی گۆڕان دەزانن و پەیام لە دژی یەکتر بڵاو دەکەنەوە.
 
لێدوانی فەرمی: یاسین حەمەعەلی، لێپرسراوی ژووری هەڵبژاردنی گردی زەرگەتەی بزووتنەوەی گۆڕان لە کۆنفڕانسێکی ڕۆژنامەوانیدا ڕایگەیاند: لە ڕۆژی شەممە 5-4-2025 سێیەمین کۆنفڕانس دەبەستین و دەستەی بەستنی كۆنفڕانس، بانگهێشتی سەرۆک و ئەندامانی ئەنجوومەنی کۆمیسیارانی كۆمسیۆنی باڵای سەربەخۆی هەڵبژاردنەكان، بەڕێوەبەری گشتیی فەرمانگەی پارت و ڕێکخراوە سیاسییەکان دەكات، تاوەکو سەرپەرشتیی کۆنفرانسەکە بکەن.

 

بۆچوونی لایەنی بەرامبەر: میدیای سەربە باڵی گەڕەکی كوردسات-ی بزووتنەوەکە ئەو كۆنفڕانسەی باڵی گردی زەرگەتە بە نایاسایی دادەنێت.