سەرۆکوەزیران بارزانی: پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان

ئاڤا نیوز

 

سەرۆکوەزیران مەسرور بارزانی لە ساڵیادی بریاری 688ی ئەنجوومەنی ئاسایشی نەتەوەکگرتووەکان پەیامێکی بڵاوکردەوە و ڕایدەگەیێنێت: پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان.

 

وێنە گەورەکە: لە 31ی ئاداری ساڵی 1991ی زیاتر لە یەک ملیۆن و 500 هەزار کەس بەهۆی هێرشی ڕژێمی بەعسەوە لە باشووری کوردستان ئاوارە بوون، کۆڕەوەکە لەلایەن میدیا جیهانییەکانەوە گەیشتە کۆمەڵگەی نێودەوڵەتی و هاودەنگی بۆ پشتگیریکردنی کورد لەسەر ئاستی جیهان دروستکرد، بەهۆیەوە ناوچەی دژە فڕین و ناوچەی ئارام لە هێلی 36 بۆ کورد جێبەجێکرا.

 

پەیامی فەرمی: سەرۆکوەزیران مەسرور بارزانی لە تۆڕی کۆمەڵایەتیی ئێکس پەیامێکی بڵاوکردەوە و گوتی: لە ساڵیادی بڕیاری 688ی ئەنجوومەنی ئاسایشی نەتەوە یەکگرتووەکان، کە سنوورێکی بۆ هێرش و ستەمی ڕژێمی بەعس دانا، ڕێز و پێزانینی زۆرمان بۆ پشتیوانیی کۆمەڵگەی نێودەوڵەتی دووپات دەکەینەوە.

-پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان و داکۆکیکردن لە مافەکانی.