بەریتانیا داوا لە ئیسرائیل دەکات ڕێز لە یەکپارچەیی خاکی سووریا بگرێت

ئاڤا نیوز

 

دوای هێرشەکانی ئیسرائیل بۆ سەر سووریا  و بە ئامانجگرتنی چەند بنکەیەکی سەربازی ئەو وڵاتە، کاردانەوەی وڵاتانی لێکەوتەوە.

 

وێنە گەورەکە: ڕۆژی چوارشەممە، 3-4-2025، فڕۆکەکانی جەنگییەکانی ئیسرائیل زیاتر لە 17 جار هێرشیان کردە سەر فڕۆکەخانەی حەمما کە پێشتر بنکەیەکی ئاسمانیی سوپای سووریا بووە، بەگوێرەی ئامارە سەرەتاییەکان 9 هاووڵاتیی بەهۆیەوە گیانیان لەدەست داوە.

 

لێدوانی فەرمی: وەزیری دەوڵەتی بەریتانیا بۆ ڕۆژهەڵاتی ناوەڕاست لە تۆڕی کۆمەڵایەتیی ئێکس ڕایگەیاند،  داوا لە ئیسرائیل  دەکەین ڕێز لە یەکپارچەیی خاکی وڵاتی سووریا  بگرێت و نیگەرانییە ئەمنییەکانی لەڕێگەی دیپلۆماسییەوە چارەسەر بکات.

 

زانیاریی زیاتر: هاوکات گوتیشی، هێرشەکانی ئیسرائیل مەترسی لەسەر داهاتووی سووریا دروست دەکات و سووریایەکی ئارام لە بەرژەوەندی هەموو ناوچەکەیە.

 

باکگراوند: لە دوای کۆتاییهاتنی دەسەڵاتی بەشار ئەسەد، سوپای ئیسرائیل چەندین جار هێرشی ئاسمانی و لەشکرکێشی بۆ سەر سووریا ئەنجام داوە، وڵاتان ئەم کارانەی ئیسرائیل بە پێشێلکردنی یاسا نێودەوڵەتییەکان ناو دەبەن.