پێنج کەس بەهۆی تەرزە بارینەوە بریندار دەبن

ئاڤا نیوز

دوای نیوەڕۆی ئەمڕۆ بارانێکی بەخوڕ و تەرزە هەندێک ناوچەی هەرێمی کوردستانی گرتەوە، زیانی گیانی و ماددی هەبوو.

لێدوانی فەرمی: ئەحمەد قادر، قایمقامی ڕواندز، بە ئاڤا میدیای ڕاگەیاند، لە ڕواندز تەرزەیەکی قەبارە گەورە باریوە، بەوهۆیەوە زیانی بە هەندێک ئۆتۆمبێڵ گەیاندووە، پێنج هاووڵاتیش سەریان شکاوە و گەیێنرانە نەخۆشخانەی فریاکەوتنی ڕواندز و چارەسەری پێویستیان وەرگرت.

زانیاریی زیاتر: لە ئیدارەی سەربەخۆی سۆرانیش بەهۆی تەرزەوە جامی ژمارەیەک ئۆتۆمبێڵ شکاوە و زیانی ماددی بە خاوەنەکانیان گەیاندووە.

ئەمەش بزانە: بەهۆی گیرانی سەرەمەنهۆڵەکان لافا دروست بوون، ئێستا تیمەکانی بەرگریی شارستانی سۆران سەرقاڵی پاککردنەوەی سەرەمەنهۆڵەکان.