خراپی کەشوهەوا بەشێک لە گەشتەکانی فڕۆکەخانەکانی ئیستەنبووڵی ڕاگرت

ئاڤا نیوز

تەم و مژ و خراپبوونی دۆخی کەشوهەوا، بووە هۆی ئەوەی بەشێک لە گەشتەکانی فڕۆکەخانەی سەبیحە گۆکچەن لە ئیستەنبووڵ پەکیان بکەوێت و بەشێک لە فڕۆکەکان بۆ نیشتنەوە ڕەوانەی فڕۆکەخانەکانی دیکە کران.

چیرۆکی سەرەکی: لە بەرەبەیانییەوە تەمێکی چڕ شاری ئیستەنبووڵی گرتووەتەوە و کاریگەری هەبووە لەسەر گەشتە ئاسمانییەکانی ئەو شارە، لە فڕۆکەخانەی سەبیحە گۆکچەن، بەشێک لە فڕۆکەکان لە کاتی نیشتنەوەدا تووشی کێشە بوون و بەو هۆیەوە 29 فڕۆکە بە مەبەستی نیشتنەوە ڕەوانەی فڕۆکەخانەکانی ئەنقەرە و ئیستەنبووڵ کران.

زانیاریی زیاتر: لەبەر خراپی ئاو و هەوا بۆ چەند کاتژمیرێک گەشتی بەشێک لە فڕۆکەکانیش بەدوا ڕاگیرا و لە کاتی خۆیدا گەشت ئەنجام نەدرا.

ئەو دۆخە نزیک بە پێنج کاتژمێری خایاند و لە کاتژمێر 8:30 خوولەکدا گەشتە ئاسمانییەکان لە فڕۆکەخانەی سەبیحە گۆکچەن ئاسایی بوویەوە.