باجەکانی ترەمپ سەدان ملیار دۆلار زیانی لە دەوڵەمەندەکان داوە

ئاڤا نیوز

 

بەهۆی بڕیارەکەی ترەمپ سەبارەت بە سەپاندنی باج لەماوەی 48 کاتژمێردا زیانی (536) ملیار دۆلارى لە دەوڵەمەندەکان داوە.

 

وێنە گەورەکە: دۆناڵد ترەمپ، سەرۆکی ئەمریکا زنجیرەیەک باجی نوێی  بەسەر دەیان وڵاتی جیهان سەپاند و بە تەواوەتی جەنگی ئابووری لە دژی وڵاتانی جیهان ڕاگەیاند. ڕۆژی سەپاندنی پێناسە گومرگییەکانیشی بە ڕۆژی ئازادی ئەمریکا وەسف کرد.

 

زانیاریی بەدەستهاتوو: بلۆمبێرگی ئەمریکی ئاشکرایکردووە، زیاتر لە 500 کەس لە  دەوڵەمەندەکانی جیهان زیانێکی زۆری ماددیان بەرکەوتووە، بەشێوەیەک تەنیا لەماوەی دوو ڕۆژدا ، بڕەکەی گەیشتووەتە 536 ملیار دۆلار، ئەوەش بەگەوەرترین زیانی رۆژانە دادەنرێت کە تائێستا تۆمار کرا بێت.

 

زیانە سەرەکییەکان: سەپاندنی باج لە سەرانسەری جیهاندا  کاریگەری نەرێنی لەسەر سیاسەتی بازرگانیی،  ئابووری، و کۆمپانیا گەورەکانی تەکنەلۆژیا بەتایبەت لەسەر  مێتا و ئەمازۆن و تێسلا هەریەکەیان لە ماوەی 48 کاتژمێردا 48 ملیار دۆلاریان زەرەر کردووە هاوکات زیانی خاوەنی ئەو کۆمپانیایانە بەم شێوەیە بوو: 

 

_ مارک زوکەر بێرگ، خاوەنی  مێتا: نزیکەی 17 ملیارو900 ملیۆن دۆلار زیانی کردوو،ە دوای ئەوەی پشکەکانی فەیسبوک بە رێژەی (9%) دابەزی.

_جێف بێزوس، خاوەنی ئەمازۆن: 16 ملیار دۆلار زیانی کردووە، بەهۆی دابەزینی پشکەکانی ئەمازۆن بە رێژەی  (9%).

_ ئیلۆن ماسک، خاوەنی تێسلاو سپەیس ئێکس: 11 ملیار دۆلار زیانی کردووە، بەهۆی دابەزینی پشکەکانی تێسلا بە رێژەی  (5.5%).