وەزیری دارایی: كێشەكانی بەردەم دابەشكردنی مووچە بەتەواوی چارەسەردەبن

ئاڤا نیوز

وەزیری دارایی و ئابووریی هەرێمی كوردستان ڕایدەگەیەنێت، لە ئاییندەیەكی نزیكدا، کێشەکانی بەردەم شێوازی دابەشکردنی مووچە بەتەواوی چارەسەر دەبن.

 

چیرۆكی سەرەكی: ئاوات شێخ جەناب، وەزیری دارایی و ئابووریی حكومەتی هەرێمی كوردستان، بەئامادەبوونی محەممەد ئەحمەد، بەڕێوەبەری گشتی بانکە بازرگانییەکان، پێشوازیکرد لە بەڕێوەبەری بەشێک لە بانکەکانی سنوری پارێزگای هەولێر.    

    

ڕاگەیێنراوی فەرمی: وەزیری دارایی و ئابووری، سوپاس و پێزانینی ئاڕاستەی سەرجەم بانکەکان کرد کە لەماوەیەکی کەمدا توانییان مووچەی مانگی ئاداری فەرمانبەران و مووچەخۆران بە بەبێ کێشە و گرفت دابەش بکەن. دڵنیایی دا لەوەی لە ئایندەیەکی نزیکدا کێشەکانی بەردەم شێوازی دابەشکردنی مووچە بەتەواوی چارەسەر دەبێت.