ئیمانوێل ماکرۆن پەیامێک ئاراستەی پووتین دەکات

ئاڤا نیوز

سەرۆکی فەرەنسا لە پەیامێکدا بۆ ڤلادیمێر پووتین، سەرۆکی ڕووسیا داوای بڕیاری بەپەلەی ڕاگرتنی جەنگ دەکات و لە ئەگەری ڕەتکردنەوەی ئاشتی داوای هەڵوێستی تووندی ئەوروپا دژ بە ڕووسیا دەکات.

وێنە گەورەکە: بەردەوامی جەنگی نێوان ڕووسیا و ئۆکراینا و هێرشی ئاسمانی سەرتاسەری ڕووسیا بۆ سەر ئۆکراینا نیگەرانی سەرکردەکانی جیهانی بەدوای خۆیدا هێنا و دوای داواکاری ڤۆلۆدیمێر زیلێنسکی، سەرۆکی ئۆکراینا بۆ وڵاتانی ڕۆژئاوا بۆ ڕاگرتنی ڤلادیمیر پووتین، ئیمانوێل ماکرۆن، پەیامێک ئاراستەی ڕووسیا دە کات و داوای ڕاگرتنی بەپەلەی هێرشەکان دەکات.

بڵاوکراوەی فەرمی: ئیمانوێل ماکرۆن، سەرۆکی فەرەنسا لە پەیامێکدا ڕایگەیاند: هاوخەم و هاوسۆزم لەگەڵ هەموو ئەو منداڵ و هاوڵاتییە مەدەنییانەی قوربانی هێرشە خوێناوییەکانی ڕووسیا بوون،  پێویستە ڕووسیا واز لە بە فیڕۆدانی کات بهێنێت و دەبێت بە زووترین کات جەنگ ڕابگیرێت و ئاگربەست ڕابگەیەنرێت.

- سەرۆکی فەرەنسا لە پەیامەکەیدا هەڕەشەی هەڵوێستی تووندی ئەوروپا لە ڤلادیمێر پووتین دەکات و ڕایگەیاند،  لە ئەگەری ڕانەگرتنی جەنگ و بڕیاری پووتین بۆ ڕەتکردنەوەی ئاگربەست ئەوروپا هەڵوێستی توند و قورسی دەبێت.