چین: ئەمریکا دەیەوێت هەژموونی خۆی بەسەر جیهاندا بسەپێنێت

 

ئاڤا نیوز

دوای سەپاندنی باجە گومرکییەکان لەلایەن ترەمپەوە چین دەڵێت، ئەمریکا بەناوی مامەڵەی هاوشێوە دەیەوێت جەنگی بازرگانی هەڵگیرسێنێت.

وێنە گەورەکە: دواجار ترەمپ بڕیارە مێژووییەکەیدا باجی گومرگی بەسەر دەیان وڵاتی جیهان سەپاند، هەموو ئەو وڵاتانەش بە بەپرسیار دەزانێت کە مامەڵەی خراپیان لەگەڵ ئەمریکا کردووە.

ڕاگەیێنراوی فەرمی: وەزارەتی دەرەوەی چین ڕایگەیاند، ئەمریکا بەناوی مامەڵەی هاوشێوە دەیەوێت هەژموونی خۆی بەسەر جیهاندا بەسەپێنێت، ئامانجیش خزمەتکردنی بەرژەوندییەکانی خۆیەتی.

زانیاریی زیاتر: لە بڕیارە نوێیەکەی ترەمپدا 34% باج بەسەر چیندا سەپێنراوە، پێش بڕیارەکەش نێوانی ئەمریکا و چین باش نەبوو، ئێستا بەم جەنگە بازرگانییە ئەگەر هەیە  پەیوەندییەکەیان خراپتر بێت.