مامۆستایانی گرێبەستی وەزارەتی پەروەردە مووچە وەردەگرن

ئاڤا نیوز

مووچەی مانگی سێی مووچەخۆرانی هەرێمی کوردستان دابەشکراوە، بەڵام تاوەکو ئێستا مووچەی مانگی سێی مامۆستایانی گرێبەست دابەش نەکراوە. وەزارەتی دارایی ڕێککارەکانی خەرجکردنی مووچەی دەستپێکردووە.

وێنە گەورەکە: لە مانگی حەوتی ساڵی ڕابردووەوە ژمارەیەک فەرمانبەر و مامۆستا لەسەر میلاکی پەروەردە بە شێوەی گرێبەست دامەزراون و تاوەکو ئێستا مووچەی مانگی سێیان وەرنەگرتووە.

لێدوانی فەرمی: سەرچاوەیەکی باڵا لە وەزارەتی دارایی و ئابووری بە ئاڤای ڕاگەیاند، "بەهۆی نەبوونی سیولە تاوەکو ئێستا ئەو پارەیە خەرجنەکراوە، بەڵام لەسەر هێڵین و لەماوەی سێ ڕۆژی داهاتوودا کێشەکە چارەسەر دەبێت و مووچەی هەر سێ مانگەکە بەیەکەوە خەرج دەکرێت.

ئەوەی پێویستە بیزانیت: ژمارەی مامۆستایانی گرێبەستی قوتابخانەکان نزیکەی 38 هەزار کەسن.