ترەمپ: لەگەڵ ئێران دانوستانی ڕاستەۆخۆمان دەبێت

 

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند لەگەڵ ئێران دانوستانی ڕاستەوخۆیان دەبێت و دانوستانەکان لە سەر ئاستێکی باڵا بەڕێوە دەچن.

چیرۆکی سەرەکی: ڕۆژی دووشەممە 2025-04-07، دۆناڵد ترەمپ، سەرۆکی ئەمریکا، لە کۆشکی سپی پێشوازی لە بنیامین نەتانیاهۆ، سەرۆکوەزیرانی ئیسرائیل کرد و لە بارەی ڕێککەوتنی ئەمریکا لەگەڵ ئێران گفتوگۆیان کرد. 

لێدوانی فەرمی: ترەمپ، لە پەراوێزی کۆبوونەوەی لەگەڵ بنیامین نەتانیاهۆ، سەرۆکوەزیرانی ئیسرائیل، لە کۆشکی سپی، ڕایگەیاند ڕۆژی شەممەی داهاتوو کۆبوونەوەیەکی گرنگ لە نێوان ئەمریکا و ئێران بەڕێوەدەچێت. هیوای خواست گفتوگۆکانیان لەگەڵ ئێران سەرکەوتوو بن.

زانیاریی زیاتر: ترەمپ جارێکی دیکە سووربوونی وڵاتەکەی لە سەر ئەوەی کە ڕێگە نەدات ئێران ببێتە خاوەن چەکی ئەتۆمی دووپات کردوە.

لە لایەکی دیکەوە: پێشتر ئێران پێشنیازی کردبوو کە دانوستانەکان ناڕاستەوخۆ و لە ڕێگەی عومانەوە بن.