ئیدارەی ترەمپ کۆتایی بە یارمەتییەکانی بۆ بەرنامەی خۆراکی جیهانی هێنا

ئاڤا نیوز

ئیدارەی ترەمپ، بودجەی بۆ پرۆگرامە فریاگوزاریەکانی بەرنامەی خۆراکی جیهانی ڕاگرت، کە یارمەتیدەر بوو بۆ زیندوو مانەوەی دانیشتووانی 13 وڵات کە بەشێکی زۆریان تووشی ململانێ ناوخۆیی بوون.

 

زانیاریی بەدەستهاتوو: ئیدارەی دۆناڵد ترەمپ، سەرۆکی ئەمریکا کۆتایی بە دابینکردنی بودجە هێنا بۆ بەرنامەی نەتەوە یەکگرتووەکان تایبەت بە بەرنامەی خۆراکی جیهانی کە یارمەتی پێشکەش بە ملیۆنان کەس لە ئەفغانستان، سووریا، یەمەن و 11 وڵاتی هەژاری دیکە دەکرد.

 

ڕاگەیێنراوی فەرمی: بەرنامەی خۆراکی جیهانی لە ئێکس ڕایگەیاند، "ئەم بڕیارە دەتوانێت ملیۆنان کەس ڕووبەڕووی برسێتی تووند بکاتەوە'' .

 

لەلایەکی دیکەوە: مارکۆ ڕوبیۆ، وەزیری دەرەوە ئەمریکا و بەرپرسانی دیکەی ئیدارەی ترەمپ، پێشتر بەڵێنیان دابوو کە بەرنامەکانی خۆراکی فریاگوزاری و یارمەتییەکانی دیکەی ژیان بەردەوامیان هەبێت، بەڵام تاوەکو ئێستا هیچ لێدوانێکیان سەبارەت بەم بڕیارە نەداوە.