ڕۆژی هەڵبژاردنی پەرلەمانی عێراق دیاریکرا

ئاڤا نیوز

 

ئەنجوومەنی وەزیرانی عێراق بڕیاری دا ڕۆژی (11-11-2025) هەڵبژاردنی خولی شەشەمی پەرلەمانی عێراق بەڕێوەبچێت.

 

ئەوەی پێویستە بیزانیت: ماوەی چەند هەفتەیەکە کۆمیسیۆنی باڵای سەربەخۆی هەڵبژاردنەکان ئامادەکارییەکانی بۆ هەڵبژاردنی پەرلەمانی عێراق دەستپێکردووە، لە ئێستاشدا کار لەسەر نوێکردنەوەی تۆماری بایۆمەتری و کارتی دەنگدان دەکات.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە، ئەنجوومەنی وەزیرانی فیدڕاڵ بڕیاری دا ڕۆژی 11ی تشرینی دووەمی 2025 هەڵبژاردنی خولی شەشەمی پەرلەمانی عێراق بەڕێوەبچێت.

 

لەلایەکی دیکەوە: 7ی ئەم مانگە سەرکردەکانی چوارچێوەی هەماهەنگی شیعەکان کۆبوونەوە و ڕایانگەیاند، جەخت لەسەر بەڕێوەچوونی هەڵبژاردنی پەرلەمانی عێراق لە وادەی خۆیدا دەکەنەوە، داواشیان لە هاووڵاتییان کرد چالاکانە بەشداریی لە هەڵبژاردنەکەدا بکەن.