سەرۆک بارزانی: هەرچی زووە پارتی و یەکێتی پێکهێنانی حکومەت ڕابگەیێنن

ئاڤا نیوز

 

سەرۆک بارزانی لەکاتی کردنەوەی حەڤدەمین پێشانگای پێشانگای نێودەوڵەتیی بۆ کتێب لە هەولێر جەختی لە یەکڕیزی نێو ماڵی کورد و پەلەکردن لە پێکهێنانی حکومەت کردەوە.

 

وێنە گەورەکە: بە بەشداری زیاتر لە 350 ناوەندی چاپ و بڵاوکردنەوە لە 22 وڵاتیی جیهانەوە حەڤدەمین پێشانگەی پێشانگای نێودەوڵەتیی بۆ کتێب "جیهان بە کوردی دەدوێت" دەستیپێکرد و سەرۆک بارزانی قسەی لەسەر دۆخی ناوخۆ و ناوچەکە کرد.

 

لێدوانی فەرمی: سەرۆک بارزانی ڕایگەیاند، "دۆخی ناوچەکە وادەخوازێت ئێمە لەنێو ماڵی خۆماندا یەکگرتوو بین، هەرچەندە هەنگاوی باش نراوە، بەڵام دەبێت هەرچی زووە پارتی و یەکێتی پێکهێنانی کابینەی نوێ ڕابگەیێنن."

 

زانیاریی زیاتر: لەلایەکی دیکەوە سەبارەت بە ئاڵۆزییەکانی ناوچەکە، سەرۆک بارزانی ئاماژەی بەوەدا، کە "ئومێدەوارین ئاشتی و ئارامی لە ناوچەکە بەرقەرار بێت، ئەوانەی کار بەدەستن لە عێراق نابێت بهێڵن عێراق تێکەڵی ئەو شەڕانەی ناوچەکە بێت".