هاکان فیدان: سەرۆکوەزیران مەسرور بارزانی ژێرخانی کورستان دەبوژێنێتەوە

ئاڤا نیوز

 

وەزیری دەرەوەی تورکیا، ڕۆڵی سەرۆکوەزیران مەسرور بارزانی بەرزدەنرخێنێت و دەڵێت، "ئێمە دەبینین کە بەڕێز مەسرور بارزانی چۆن لە هەوڵدایە بۆ ئەوەی ژێرخانی هەرێمی کوردستان ببوژێنێتەوە و کێشەکانی ناوچەکە بەشێوەیەکی بونیادنەر چارەسەر بکات". 

 

وێنە گەورەکە: هاکان فیدان، وەزیری دەرەوەی تورکیا لە چاوپێکەوتنێکی تەلەفزیۆنیدا، ئاستی پەیوەندییەکانی هەولێر و ئەنقەرە بەرزدەنرخێنێت و ستایشی ڕۆڵی سەرکردەکانی هەرێمی کوردستان دەکات، لەناویاندا سەرۆکوەزیران مەسرور بارزانی لەبارەی هەوڵەکانی بۆ بوژاندنەوەی ژێرخانی ئابووری هەرێمی کوردستان.

 

لێدوانی فەرمی: هاکان فیدان ڕایگەیاند، لەوێ سەرکردەکان هەمووان سەرقاڵن بە خزمەتکردنی گەلەکەیان، ئێمە کە ئەوە دەبینین، زۆر دڵخۆشین، کەس لەوێ دوژمنایەتیی یەک ناکات، ئەوان تاکە ویست و هەوڵیان خزمەتکردنە بە گەلەکەیان، هیچ کێشە و گرژییەک دروست ناکەن، ئەوە ڕێک ئەو شوێنەیە کە ئێمە دەمانەوێت".

 

ئەوەی پێویستە بیزانیت: هاکان فیدان، سەبارەت بە پەیوەندییەکانی هەولێر و ئەنقەرە  گوتی: پەیوەندیمان لەگەڵ هەولێر زۆر باشە. سەبارەت بە ڕۆڵی سەرۆک بارزانیش گوتی: "ئێمە بەڕاستی ئەوە دەبینین کە بەڕێز مەسعود بارزانی کاریگەری بونیادنەری لەسەر چارەسەرکردنی کێشەکانی ناوچەکە و عێراق هەیە و شایەدی ئەو هەوڵانەی ئەو بووین.

 

لەلایەکی دیکە: فیدان لە وەسفی سەرۆکوەزیران مەسرور بارزانی دەڵێت: بەڕێز مەسرور بارزانی وەک سەرۆکوەزیرانی هەرێمی کوردستان  لە هەوڵدایە بۆ ئەوەی ژێرخانی هەرێمی کوردستان زیاتر ببوژێنێتەوە، هەمیشە لە هەوڵی ئەوەدایە کە چۆن کێشەکانی ناوچەکەی چارەسەر بکات.