لیستی مووچەی مانگی یەک دەکرێتە بنەما بۆ هەموو مانگەکانی ئەمساڵ

ئاڤا نیوز

ئاڤا میدیا نوێترین زانیاری لەبارەی ئامادەکارییەکان بۆ مووچەی مانگی چوار ئاشکرا دەکات. بەپێی زانیارییەکان  لیستی مووچەی مانگی یەک کراوەتە بنەما بۆ مووچەی هەموو مانگەکانی ئەمساڵ.

ئەوەی پێویستە بیزانیت: لیستی مووچەی مانگی سێ چۆن بوو، هەروەها تەمویلەکەی چۆن کراو چەندیش نێردرا، بۆ لیستی مووچەی مانگی چواریش بەهەمان میکانیزم ئامادە دەکرێ، لیستەکان لە وەزارەتەکان وەردەگیرێ و دەنێردرێن بۆ بەغدا بۆ ئەوەی لەکاتی خۆیدا بەغدا پارەکە بنێرێ.

ئەمەش بزانە: حەفتەی داهاتوو وەزارەتی دارایی ڕاپۆرتی میزان موراجەعە و داهاتی ناوخۆ ڕادەستی بەغدا دەکات.

زانیاریی تایبەت: بەرپرسێکی باڵا لە وەزارەتی دارایی و ئابووریی هەرێمی کوردستان بە ئاڤای ڕاگەیاند، ماوەی هەفتەیەکە وردبینی لە لیستی مووچەی مانگی چوار دەستی پێکردووە، بۆئەوەی زوو ئامادە بکرێ و ئەگەر هەڵەیەکیش هەبوو، زوو چارەسەر بکرێ، تاوەکو لە 20 بۆ 21ی ئەم مانگە لیستەکە ڕەوانەی بەغدا بکرێت.