د.سامان بەرزنجی: کێشەی مووچەی کارمەندانی گرێبەستی وەزارەتی تەندروستی چارەسەر دەبێت

ئاڤا نیوز

ئەم مانگە هەزار و 117 کارمەندی گرێبەستی وەزارەتی تەندروستی کێشەی مووچەیان چارەسەر دەبێت و نووسراویشیان بۆ کراوە و نێردراوە بۆ بەغدا.

وێنە گەورەکە: کارمەندانی گرێبەستی بودجەی پەرەپێدان لە وەزارەتی تەندروستی ماوەی سێ مانگە مووچەیان وەرنەگرتووە، بەڵام وەزارەتی تەندروستی دڵنیایی دەدات لەوەی کێشەکانیان نزیکە لە چارەسەر کردن.

لێدوانی فەرمی: د.سامان بەرزنجی، وەزیری تەندروستی حکومەتی هەرێمی کوردستان دەڵێت: نووسراومان بۆ بەغدا کردووە تاوەکو ئەو کارمەندانە گرێبەستەکانیان بگۆڕێن بۆ گرێبەستی ئاسایی.

- سەبارەت بە مووچەکانیشیان، د.سامان دەڵێت: ئەم مانگە کێشەی مووچەکانی سێ مانگی ڕابردوویان چارەسەر دەبێت.

لەلایەکی دیکەوە: لە کۆتایی مانگی شووباتی ئەمساڵ وەزارەتی دارایی هەرێمی کوردستان نووسراوێکی کردووە بۆ ئەنجومەنی وەزیران. لە نوسراوەکەدا هاتووە؛ تەرخانکردنی پارەی مانگانە بۆ ئەو کارمەندانە پێویستی بە گۆڕینی جۆری گرێبەستەکەیانە لە میلاک و یاساییەوە لە بودجەی پەرەپێدانەوە بۆ بودجەی ئاسایی بەو مەرجەی مووچەکانیان هاوتای ڕێنمایی دارایی ژمارەی 10ـی ساڵی 2019 خەرج کرابێت.