عەوادی: کۆمپانیا ئەمریکییەکان بە پڕۆژەی گەورەوە بۆ عێراق هاتوون

ئاڤا نیوز

گوتەبێژی حکومەتی عێراق ئاشکرایکرد، کۆمپانیا ئەمریکییەکان بە هەڵگری پەیامی پشتیوانی و بە پڕۆژەی گەورەی وەبەرهێنانەوە هاتوون بۆ عێراق.

وێنە گەورەکە: ڕۆژی چوارشەممە 10-4-2025، محەممەد شیاع سوودانی، سەرۆکوەزیرانی عێراق سەرپەرشتی ڕێوڕەسمی واژۆکردنی سێ یاداشتنامەی لێکتێگەیشتنی لەگەڵ هەر یەکە لە کۆمپانیای جی ئێی ڤێرنۆڤا، گرووپی UGTRenewable و ژووری بازرگانی ئەمریکا  بۆ پەرەپێدانی پڕۆژەکانی وزە و کارەبا کرد.

لێدوانی فەرمی: باسم عەوادی، گوتەبێژی حکومەتی عێراق ڕایگەیاند: بە هاوبەشی لەگەڵ کۆمپانیا ئەمریکییەکان، دەست دەکرێت بە پڕۆژەی گەورە بۆ بەرهەمهێنانی وزە و گواستنەوەی کارەبا.

- وەبەرهێنان لە بواری دیجیتاڵکردن و زیرەکی دەستکرد پێشەنگی هاوکارییەکانە لەگەڵ واشنتۆن.

- ئامانجی یاداشتنامەکان لەگەڵ گەورە کۆمپانیا ئەمریکییەکان گەیشتن بە خۆبژێوی لە بوارەکانی وزە، کشتوکاڵ و پیشەسازی.