حەشدی شەعبی کۆلێژی سەربازی تایبەت بەخۆی دادەمەزرێنێت

ئاڤا نیوز

بڕیارە دەستەی دەسەڵاتی حەشدی شەعبی کۆلێژ و ئەکادیمیایەکی سەربازی تایبەت بەخۆی دابمەزرێنێت و لەداهاتوویەکی نزیکدا بەردی بناغەی دادەنرێت.

وێنە گەورەکە: لەکاتێکدا ئەمریکا و وڵاتانی ڕۆژئاوا داوای چەکداماڵینی گرووپە چەکدارەکانی دەرەوەی دەسەڵاتی دەوڵەت بەحەشدی شەعبیشەوە دەکەن و بەپێی بڕۆژەیەکی گۆنگرێسی ئەمریکاش دەبێت لەماوەی 180 ڕۆژدا سەرجەم گرووپە چەکدارەکان چەکەکانیان ڕادەستی حکومەت بکەنەوە، بەڵام ئەو هێزانە نەک ئامادەی ئەو کارە نین، بەڵکو تادێت پێگەی سەربازی خۆیان بەهێزتر دەکەن.

لێدوانی فەرمی: عەممار سەرایی، بەڕێوەبەری بەڕێوەبەرایەتی ڕاهێنانی دەستەی حەشدی شەعبی ڕایگەیاند: هەموو ڕێکارەکانی دامەزراندنی کۆلێژ و ئەکادیمیایەکی سەربازی تایبەت بەحەشدی شەعبی کۆتایی پێهاتووە، لەداهاتوویەکی نزیکدا بناغەی دادەنرێت و دەبێتە کارگەیەک بۆ ئامادەکردنی سەرکردە و فەرماندەی سەربازی بەئەزموون.

زانیاریی بەدەستهاتوو: بەپێی زانیارییەکان ئەو کۆلێژە دەکەوێتە پارێزگای کەربەلا و زەوییەکی سەد دۆنمی لەنێوان هەردوو پارێزگای کەربەلا و ئەنبار بۆ تەرخانکراوە.