گەڕان بە دوای تەرمی ئاڤێستا بەردەوامە

ئاڤا نیوز

 

پارێزگاری هەولێر تیمەکانی بەرگریی شارستانی لە سنووری بارزان بەسەردەکاتەوە کە بە دوای تەرمی ئاڤێستا یوسف دا دەگەڕێن.

 

وێنە گەوەکە: ڕۆژی 5ـی نیسان، ئاڤێستا یوسف بەرزنجی، تەمەن 27 ساڵ و دانیشتووی شاری هەولێر، کەوتە نێو ڕووباری تەنگاتوور لە قەزای مێرگەسۆر، ماوەی هەشت ڕۆژە لە ئاسمان و زەوییەوە گەڕان بەدوایدا بەردەوامە و تا ئێستا هیچ سۆراغێکی نییە.

 

ڕاگەیێنراوی فەرمی: بۆ لە نزیکەوە ئاگاداربوون لە پرۆسەی کاری تیمەکانی بەرگریی شارستانی بۆ هەوڵەکانی گەڕان بە دوای ئاڤێستادا، ئومێد خۆشناو، پارێزگاری هەولێر کەسوکاری ئاڤێستا و ئەو تیمانەی بەسەرکردەوە کە لە شوێنی ڕووداوەکە سەرقاڵی گەڕانن و هەموو ئامادەییەکی بۆ هەوڵەکانی دۆزینەوەی ئاڤێستا نیشان دا.

 

پەیامی فەرمی: ئومێد خۆشناو، پارێزگاری هەولێر ڕایگەیاند: لەسەر فەرمان و ڕاسپاردەکانی سەرۆک بارزانی هەموو هەوڵێک بۆ دۆزینەوەی ئاڤێستا خراوەتە گەڕ، هاوکات تیمەکانی بەرگریی شارستانی و تیمی فڕۆکەوانیی فریاگوزاریی شاری هەولێر، لە سنووری بێخمە تا قەزای خەبات خراونەتە ئەرک و هەوڵەکانیان بۆ دۆزینەوەی ئاڤێسا چڕ کردووەتەوە.