وەزیری تەندروستی ئەمریکا: تا پێنج مانگی دیکە هۆکاری تووشبوون بە ئۆتیزم ئاشکرا دەکەین

ئاڤا نیوز

 

ڕۆبەرت کێنێدی جونیۆر، وەزیری تەندروستی ئەمریکا رایگەیاند، تا مانگی نۆ هۆکاری تووشبوونی منداڵان  بە نەخۆشی  ئۆتیزم ئاشکرا دەکەن.

 

وێنە گەورەکە: تاوەکو ئێستا هۆکارەکانی تووشبوونی منداڵان بە نەخۆشی ئۆتیزم ئاشکرا نەکراوە بەڵام هەندێک کات هۆکارەکان ژینگەیین وە هەندێ کات بۆماوەیی  ئێستا ئەمریکا دەڵێت تا مانگی نۆی ئەمساڵ هۆکارەکانی ئاشکرا دەکەن.

 

لێدوانی فەرمی: ڕۆبەرت کێنێدی جونیۆر، وەزیری تەندروستی  ئەمریکا رایگەیاند: ''تاوەکو مانگی ئەیلوولی  ئەمساڵ هۆکاری تووشبوون بە نەخۆشی ئۆتیزم ئاشکرا دەکەین و سەدان زانا لە سەرانەری جیهانەوە بەشداری دەکەن''. 

 

لەلایەکی دیکەوە: کۆمەڵەی ئۆتیزمی ئەمریکا ئەم لێدوانەی وەزیری تەندروستی ڕەتدەکەنەوە و بە هەوڵێکی زینابەخش و چەواشەکاری و ناڕاست دادەنێن.

 
ئەوەی پێویستە بیزانیت: ئۆتیزم بریتییە لە شێوان و تێكچوونی شێوازی هەڵسوكەوت و بیركردنەوەیی و پەیوەندیكردنی منداڵ لەگەڵ كەسانی دەورووبەر و هەندێكێیان نیشانەكانیان لاوازە، ئەم جۆرەیان دەتوانن بە شێوەیەكی سەربەخۆ ژیان بەسەر ببەن و هەندێكی دیكەشیان  نیشانەكان زیاترە، ئەم جۆرەیان پێویستیان بە كەسانی دیكە هەیە بۆ درێژەدان بەژیان.

 

زانیاریی زیاتر: دامەزراوەی نیشتمانی تەندروستی ئەمریکا (NIH) دەزگایەکی حکومییە، ساڵانە زیاتر لە 300 ملیۆن دۆلار  بۆ لێکۆڵینەوە لە هۆکارەکانی و نەخۆشی  ئۆتیزم لە خەرج دەکات، لە ساڵی 2000ـەوە نەخۆشییەکە بە شێوەیەکی بەرچاو بەرزبووتەوە لە سەرانسەری جیهاندا.