مەسرور بارزانی و سوودانی جەخت لە چارەسەرکردنی کیشەکان بە پێی دەستوور دەکەنەوە

ئاڤا نیوز

ئەمڕۆ شەممە 12ـی نیسانی 2025، سەرۆکوەزیران مەسرور بارزانی، لە فڕۆکەخانەی نێودەوڵەتی هەولێر، پێشوازی لە محەممەد شیاع سوودانی سەرۆکوەزیرانی عێراق کرد.

ڕاگەیێنراوی فەرمی: حکومەتی هەرێمی کوردستان ڕایگەیاند، وێڕای تاوتوێکردنی دوایین پێشهاتەکانی عێراق و ناوچەکە، لە کۆبوونەوەکە جەخت لە گرنگیی پەرەپێدانی هاوئاهەنگی بۆ ڕووبەرووبوونەوەی ئاڵنگارییەکان کرایەوە.

ئەوەی پێویستە بیزانیت: هەردوولا جەختیان لە پێویستیی چارەسەرکردنی کێشەکانی نێوان هەرێمی کوردستان و حکومەتی عێراق بە پێی دەستوور، دابینکردنی ماف و شایستە داراییەکان، پاراستنی بەرژەوەندیی هاووڵاتیان کردەوە.

زانیاریی زیاتر: سەبارەت بە بارودۆخی گشتیی ناوچەکە، هەردوولا هاوڕابوون لەسەر گرنگیی پاراستنی ئاسایش و سەقامگیریی عێراق، چارەسەرکردنی هەر کێشە و ناکۆکییەک لە ڕێگەی ئاشتیانە و گفتوگۆ .