قایمقامی سلێمانی لە شوێنی هەڤاڵ ئەبوبەکر دەبێتە پارێزگار

ئاڤا نیوز

گۆڕانکاری لە پۆستی پارێزگاری سلێمانیدا دەکرێت و ئاوات محەممەد، قایمقامی ئێستای سلێمانی لە شوێنی هەڤاڵ ئەبوبەكر دەبێتە پارێزگاری نوێی سلێمانی.

وێنە گەورەکە: لە چوارچێوەی گۆڕانكاری و ئاڵوگۆڕییەكان لە پۆستە ئیدارییەكانی سنووری پارێزگای سلێمانی و هەڵەبجە، ئاڤا میدیا زانیویەتی یەکێتی پۆستی پارێزگاری سلێمانی وەردەگرێتەوە و لەشوێنی هەڤاڵ ئەبوبەکر، ئاوات محەممەد، قایمقامی ئێستای سلێمانی دەکرێتە پاریزگاری نوێ.

لێدوانی فەرمی: ئاوات محەممەد، قایمقامی سلێمانی تایبەت بە ئاڤا ڕایگەیاند، "هەرچەندە بەڕەسمی ئاگادارنەكراومەتەوە، بەڵام من فەرمانبەرم و لە هەر شوێنێك ئەركم پێ بسپێردرێت، لە خزمەتی خەڵك دەبم".

"بە فەرمی پێم ڕانەگەیێنراوە و لە سەرچاوەی نافەرمییەوە بیستوومە كە دەکرێمە پارێزگاری نوێی سلێمانی، ئەگەر لەو شوێنە دابنرێم یاخود لە هەر ئەركێكی دیكە، ئەوا بە ئەمانەتەوە ئەركەكە ڕادەپەڕێنین و خزمەت دەکەین".