زێلێنسکی ترەمپ بۆ وڵاتەکەی بانگهێشت دەکات

ئاڤا نیوز

 

ڤۆلۆدمیر زێلێنسکی، سەرۆکی ئۆکراینا، بانگهێشتی هاوتا ئەمریکییەکەی بۆ ئۆکراینا دەکات پێش ئەوەی هیچ بڕیارێک لەبارەی ئۆکرایناوە بدات.

 

وێنە گەورەکە: ڕۆژی 28-2-2025، لە کۆشکی سپی دۆناڵد ترەمپ، سەرۆکی ئەمریکا پێشوازی لە ڤلۆدۆمێر زێلێنسكی، سەرۆکی ئۆکراینا کرد و لە میانی گفتوگۆیان لەبەردەم ڕۆژنامەنووسان دەمەقاڵێ لە نێوانیان درووست دەبێت و ترەمپ دەنگی بەسەر زێلێنیسکی بەرز کردەوە و زێلێنسکی بە نیگەرانییەوە کۆشكی سپی بەجێهێشت بەڵام دواتر سەرۆکی ئۆکراینا داوای لێبوردنی لە ترەمپ کرد.

 

لێدوانی فەرمی: زێلێنسکی، سەرۆکی ئۆکراینا بانگهێشتی دۆناڵد ترەمپ، سەرۆکی ئەمریکا بۆ وڵاتەکەی دەکات و دەڵێت، "تکایە، پێش هەر جۆرە بڕیارێک، هەر جۆرە دانووستانێک، وەرە وڵاتەکە، بۆ ئەوەی شایەتحاڵی ئەو وێرانکارییەی ئۆپەراسیۆنە سەربازییەکەی ڕووسیا لە نزیکەوە بیبینی''

 

ئەوەی لەبارەیەوە دەگوترێت: بانگهێشتنامەکەی زێلێنسکی لەکاتێکدایە، دوای کۆبوونەوە گرژەکەی لە کۆشكی سپی لەگەڵ ترەمپ و جەی دی ڤانسی جێگرەکەی، ڤانس لەو کاتەدا ئۆکراینای تۆمەتبار کرد بەوەی کە میوانداری سەرکردە بیانییەکان دەکات بۆ بەدەستهێنانی پشتیووانی شانۆیان بۆ ئامادەکات، لە بارەی ئەمە زێلێنسکی دەڵێت، ئەگەر ترەمپ بڕیاری دا سەردانی ئۆکراینا بکات، هیچ شتێک ئامادە ناکەین، کە شانۆ یان ساختە بێت، بەهۆی ئەمەشەوە ترەمپ تێدەگات کە پووتین چیکردووە