دوو بەنزینخانە لە سنووری ڕاپەڕین سزا دەدرێن

ئاڤا نیوز

 

لیژنەی سووتەمەنی قایمقامییەتی قەزای ڕانیە دوای گەڕان و پشکنین لە بەنزینخانەکانی سنوورەکە، دوو بەنزینخانەی سزا دەدات.

 

بڵاوکراوەی فەرمی: قایمقامییەتی قەزای ڕانیە ڕایگەیاند: لیژنەی سووتەمەنی قایمقامییەت دوای وەرگرتنی نموونەی بەنزین لە سەرجەم بەنزینخانەکان لە ناحییەکانی 'حاجیاوا، چوارقوڕنە، سەروچاوە و ناردنیان بۆ تاقیگەکانی نەوت و کانزکانی سلێمانی، کوالێتی بەنیزنی دوو بەنزینخانە لە پشکنین دەرنەچوون.

 

زانیاریی زیاتر: لەلایەن لیژنە هاوبەشەکانی قایمقامییەتەوە ڕێککاری یاسایی بەرامبەر ئەو دوو بەنزینخانەیە بەم شێوەیە دەگیرێتەبەر:-

 

- بەنزینخانەی شایان لە سەروچاوە، بەهۆی دەرنەچوونی نموونەی بەنزینەکەی لە پشکنین، بە بڕی 500 هەزار دینار پێبژاردن (غەرامە) کرا.

 

- بەنزینخانەی خەندە لە شکارتە، بەهۆی دەرنەچوونی نموونەی بەنزینەکەی لە پشکنین، بەبڕی 500 هەزار دینار پێبژاردن (غەرامە) کرا.