مالیکی: ئەگەری ڕوودانی سیناریۆی نیگەرانکەر لە ناوچەکەدا هەیە

ئاڤا نیوز

نووری مالیکی هۆشداری لە دۆخی ناوچەکە دەدات و بە لەرزۆک وەسفی دەکات، دەشڵێت؛ چاوەڕێی ئەگەری ڕوودانی سیناریۆی نیگەرانکەری لێدەکرێت.

لێدوانی فەرمی: نووری مالیکی، سەرۆکی هاوپەیمانیی دەوڵەتی یاسا لە چاوپێکەوتنێکدا لەگەڵ کەناڵی عێراقییە، دان وەدا دەنێت""ناکۆکی ناو پێکهاتەکان دۆخی سیاسی تووشی نیگەرانی کردووە"، سەرەڕای هەموو کێشەکانیش پشتگیری خۆی بۆ حکومەت دووپاتدەکاتەوە و دەڵێت، بەردەوام دەبن لە پشتگیریکردنی حکومەتەکەی سوودانی.

بابەتی ستراتیژی: نووری مالیکی باسی کشانەوەی هێزەکانی هاوپەیمانان و پەیوەندییدان لەگەڵ ئەمریکا دەکات و دەڵێت:

- چوارچێوەی هەماهەنگی ڕژدە لەسەر دانانی خشتەیەک بۆ کشانەوەی هێزەکانی ئەمریکا لە عێراق. 

- عێراق پێویستی بە مانەوەی هێزەکانی هاوپەیمانان نییە، عێراق پێویستی بەهاوکاری هەواڵگری هاوپەیمانان هەیە.

- پەیوەندی لەگەڵ ئەمریکا دانەبڕاوە و پشتگیری ئەو بیرۆکەیەش ناکەم. بەرژەوەندیی گەورەمان لە مامەلەکردن لەگەڵ ئەمریکا وەکو دۆست هەیە.

- ئەمریکا پێدانی چەک و تەقەمەنی بە عێراق ڕاگرتووە کە گرێبەستیان لەسەر کرابوو دوای هاتنی داعش.

گرووپە چەکدارەکان بۆچوونی چوارچێوەی هەماهەنگییان وەرنەگرتووە بۆ ئەنجامدانی هێرشەکانیان.

لەلایەکی دیکەوە: نووری مالیکی ئاماژەی بەوە کردووە "چوارچێوەی هەماهەنگی گفتوگۆی لەسەر هەڵبژاردنی پێشوەخت نەکردووە"، کە ماوەیەکە قسەی لەبارەوە دەکرێت.