نزیکەی 150 ئەندامی قوربان دەستگیر دەکرێن

ئاڤا نیوز

هێزە ئەمنییەکانی عێراق لە پێنج پارێزگا دەیان ئەندامی گرووپی قوربان دەستگیر دەکەن.

وێنە گەورەکە: گرووپی قوربان کە عەلاهییەکانیشیان پێدەگوترێت، ئەندامەکانی شیعە مەزهەبن، لە ناوەڕاست و باشووری عێراق چالاکن، شوێنکەوتووانی ئەم گرووپە بانگەشەی ئەوە دەکەن کە ئیمام عەلی کوڕی ئەبی تالیب خوداوەندێکە و تیروپشک لە نێو ئەندامەکانیاندا دەکەن هەرکەسێک ناوی دەربچێت دەبێت خۆی بکاتە قوربانی بۆ ئیمام عەلی.

ڕاگەیێنراوی فەرمی: دەزگای ئاسایشی عێراق ڕایگەیاند: بەرپرسێکی گرووپی قوربانییەکان و 147 ئەندامی گرووپەکە لە پارێزگاکانی بەسرە، مووسەننا، واست، میسان و زیقار دەستگیر کران.

زانیاریی زیاتر:  گرووپی قوربان لە عێراق قەدەغە کراون، زۆرێک لە گرووپە لادەرەکان بە پێی ماددەی 372 لە یاسای سزادانی عێراقی ژمارە 111ـی ساڵی 1969 هەموارکراویان لەسەر جێبەجێ دەکرێت.