پێشەوا هەورامانی: مەسرور بارزانی بەڵێنەكەی بۆ هەڵەبجەییەكان بەجێگەیاند

ئاڤا نیوز

سەبارەت بە پەسەندكردنی پڕۆژەیاسای بەپارێزگابوونی هەڵەبجە، گوتەبێژی حكومەتی هەرێمی كوردستان دەڵێت، سەرۆكوەزیرانی مەسرور بارزانی بەڵێنەكەی بەجێگەیاند.

چیرۆكی سەرەكی: دوای 12 ساڵ لە دواخستنیی بە هۆکاری جۆراوجۆر، ئەمڕۆ پەرلەمانی عێراق کۆبووەوە و دەنگیدا لەسەر یاسای بەپارێزگابوونی هەڵەبجە.

بڵاوكراوەی فەرمی: پێشەوا هەورامانی، گوتەبێژی حكومەتی هەرێمی كوردستان لە لاپەڕەی خۆی لە فەیسبووك وێنەیەكی دوایین سەردانی سەرۆكوەزیران مەسرور بارزانی بۆ هەڵەبجەی بڵاو كردووەتەوە و سەبارەت بە بەپارێزگابوونی هەڵەبجە نووسیویەتی: بەڵێنی خۆت بەجێگەیاند لەگەڵ هەڵەبجەییەکان جەنابی سەرۆک وەزیران، سوپاس بۆ جەنابت، سوپاس بۆ یەکڕیزیی لایەنە کوردستانییەکان لە بەغدا.

ئەوەی پێویستە بیزانیت: ساڵی ڕابردوو سەرۆكوەزیران مەسرور بارزانی و شاندێكی حكومەت سەردانی پارێزگای هەڵەبجەی كرد و بەڵێنی زیاتر خزمەتكردنی خەڵكی شارەكەی دا و جەختی لە پێویستیی بەپارێزگابوونی هەڵەبجە كردەوە.