سەرۆک بارزانی: هیوادارم بەپارێزگابوونی هەڵەبجە هەنگاوێک بێت بۆ خزمەتکردنی زیاتری دەڤەرەکە

ئاڤا نیوز

سەرۆک بارزانی پەیامێکی لەبارەی بەپارێزگابوونی هەڵەبجە بڵاوکردەوە و ڕایگەیاند: هیوادارم بەپارێزگابوونی هەڵەبجە هەنگاوێک بێت بۆ خزمەتکردن و بوژانەوەی زیاتری ئەم دەڤەرە قوربانیدەرەی کوردستان و ساڕێژبوونی برین و ئازارەکانی هاووڵاتیانی هەڵەبجە.

وێنە گەورەکە: سەرۆک بارزانی هەر لەسەرەتاوە لەبارەی بە پارێزهابوونی هەڵەبجەوە لەسەر هێڵ بووە و سوور بووە لەسەر ئەوەی کە دەبێت عێراق بەفەرمی وەکو پارێزگا مامەڵە لەگەڵ هەڵەبجە بکات.

ڕاگەیێنراوی فەرمی: سەرۆک بارزانی پەیامێکی بڵاوکردەوە و ڕایگەیاند: دەستخۆشی و سوپاسی خۆم ئاراستەی سەرۆکایەتیی و هەموو ئەو ئەندام و کوتلە سیاسییانەی ناو ئەنجوومەنی نوێنەرانی عێراق دەکەم کە ڕۆڵی ئەرێنییان بینی لە پەسەندکردنی پڕۆژەی بەپارێزگابوونی هەڵەبجە.

- هەروەها دەستخۆشی لە فراکسیۆنە کوردستانییەکانی ئەنجوومەنی نوێنەرانی عێراق دەکەم کە بە یەکدەنگی و یەکڕیزی ئەو دەستکەوتەیان بۆ خەڵکی هەڵەبجە و کوردستانییان مسۆگەر کرد و هاوکاری یەکتر بوون بۆ دەنگدان و پەسەندکردنی پڕۆژەی بەپارێزگابوونی هەڵەبجەی خۆشەویست و پێزانینم بۆ ڕۆڵی هەموو ئەو بەڕێزانە هەیە کە هەوڵیان بۆ بەپارێزگابوونی هەڵەبجە داوە.

- پیرۆزباییەکی گەرم لە خەڵکی خۆشەویستی هەڵەبجە و هەموو کوردستانییانی ئازیز دەکەم.

- هیوادارم بەپارێزگابوونی هەڵەبجە هەنگاوێک بێت بۆ خزمەتکردن و بوژانەوەی زیاتری ئەم دەڤەرە قوربانیدەرەی کوردستان و ساڕێژبوونی برین و ئازارەکانی هاووڵاتیانی هەڵەبجە.

- هەر لەو بۆنەیەدا هەزاران سڵاو بۆ گیانی پاکی شەهیدانی هەڵەبجە و هەموو شەهیدانی کوردستان دەنێرین و هیوای خێر و خۆشی بۆ خەڵکی هەڵەبجە و هەموو کوردستانییان دەخوازین.