نێچیرڤان بارزانی: لە دڵەوە و بە گەرمی پیرۆزبایی لە یانەی دهۆک دەکەم

ئاڤا نیوز

بەبۆنەی سەرکەوتنی یانەی دهۆک بەسەر یانەی قادسییەی کوەیتی سەرۆکی هەرێمی کوردستان پەیامی پیرۆبایی بڵاوکردەوە.

لێدوانی فەرمی: نێچیرڤان بارزانی، سەرۆکی هەرێمی کوردستان، ڕایگەیاند، "لە دڵەوە و بە گەرمی پیرۆزبایی لە یانەی دهۆکی خۆشەویست دەکەم بەبۆنەی سەرکەوتنی ئەمڕۆ کە بۆ یەکەمجار بووە پاڵەوانی جامی کەنداو".

- "بەو سەرکەوتنە و بەم یارییە جوانە، دڵی هەموومانی لە کوردستان و سەرانسەری عێراق خۆش کرد، ئێمە هەموومان شانازی بە یانەی دهۆک بۆ ئەم سەرکەوتنە دەکەین".

- "دەستخۆشی لە هەموو یاریزانان و بەرپرسانی یانەی دهۆک دەکەم، جێگای شانازین بۆ هەرێمی کوردستان و عێراق".