نۆیەمین دیداری سلێمانی دەستیپێکرد

ئاڤا نیوز

 

نۆیەمین دیداری سلێمانی بە بەشداریی چەندین سەرۆک و سەرکردەی ناوخۆیی و جیهانی لە سلێمانی دەستپێدەکات و پانێلی تایبەت بەڕێوەدەچن.

 

وێنە گەورەکە: نۆیەمین دیداری سلێمانی بە بەشداریی زیاتر لە 700 بەرپرسی ناوخۆیی و جیهانی بەڕێوەدەچێت و ماوەی دوو ڕۆژ بەردەوام دەبێت، گفتوگۆ لەبارەی دوایین پێشهاتەکانی ناوچەکە و دۆخی ناوخۆیی عێراق و هەرێمی کوردستان، پەیوەندییەکانی نێوان هەولێر و بەغدا دەکرێت، پێکهێنانی کابینەی نوێی حکومەتی هەرێمی کوردستان تەوەرێکی دیکەی گفتوگۆکانی دیدارەکە دەبێت.

 

زانیاریی زیاتر: کەمێک لەمەوبەر هەریەک لە نێچیرڤان بارزانی، سەرۆکی هەرێمی کوردستان و محەممەد شیاع سوودانی، سەرۆکوەزیرانی عێراق، بافڵ تاڵەبانی، سەرۆکی یەکێتی، هۆشیار زێباری و عەممار حەکیم و چەندین بەرپرس و سەرکردەی جیهانی گەیشتنە شوێنی دیدارەکە، وتاری کردنەوەی دیدارەکە لەلایەن بەرهەم ساڵح، دامەزرێنەری زانکۆی ئەمریکی لە سلێمانی پێشکەش کرا.

 

- کاتژمێر 10:30 چاوپێکەوتنی محەممەد شیاع سوودانی لەگەڵ مینا عورەیبی دەستپێدەکات. 

- کاتژمێر 11:00 نێچیرڤان بارزانی، سەرۆکی هەرێمی کوردستان گوتارێکی دەبێت.

ئەوەی پێویستە بیزانیت: یەکەمجارە سەرۆکوەزیران مەسرور بارزانی بەشداری لە دیداری سلێمانی دەکات.