ڕێبەر ئەحمەد: هەرێمی کوردستان سەلماندوویەتی هۆکاری سەقامگیرییە

ئاڤا نیوز

 

ڕێبەر ئەحمەد، وەزیری ناوخۆی حکومەتی هەرێمی کوردستان لە پانێلێکی دیداری سلێمانی بەشداریکرد و ڕایگەیاند: ئامادەین لەگەڵ سووریا هەماهەنگی بکەین.

 

وێنە گەورەکە: ئەمرۆ چوارشەمە 16-4-2025، دیداری سلێمانی بە بەشداری چەندین سەرۆک و سەرکردەی وڵاتان دەستیپێکرد، دیدارەکە ماوەی دوو ڕۆژ دەخایەنێت، تێیدا لەبارەی گۆرانکارییەکانی جیهان و ناوچەکە، دۆخی عێراق و هەرێمی کوردستان و چەندین پرسی دیکەی گرنگ گفتوگۆیان لەبارەوە دەکرێت.

 

لێدوانی فەرمی: ڕێبەر ئەحمەد، وەزیری ناوخۆی حکومەتی هەرێمی کوردستان لە پانێلێکدا ڕایگەیاند: ئێمە سەلماندوومانە دەتوانین ببین بە هۆکارێکی سەرەکی بۆ سەقامگیریی ناوچەکە.

 

زانیاریی زیاتر: بەشێکی دیکەی قسەکانی ڕێبەر ئەحمەد:

 

-پێویستە حکومەتی عێراق بەپێی دەستوور مامەڵە بکات.
-هەموو پێکهاتەکانی ڕۆژهەڵاتی ناوەڕاست بە کوردیشەوە مافی ئەوەیان هەیە لەگەڵ حکومەتەکان گفتوگۆ بکات.
- مافی ئەوەمان هەیە لە ڕۆژهەڵاتی ناوەڕاست سەقامگیریمان هەبێت.
-بە درێژایی مێژوو دادپەروەرییەک بەرامبەر ئێمە و هەرێمەکەمان نەهاتوەتە ئاراوە.
- سەبارەت سەقامگیریی ڕۆژهەڵاتی ناوەڕاست دەبێت وریا بین.
-ئێمە وەک هەرێمی کوردستان یەکەم هێز بووین ڕووبەڕووی داعش بووینەوە.
-داعش یەکێکە لەو هێزانەی دەبێت چاودێری بکرێت.
-داعش بە تەنیا گرووپێکی چەکداری نییە و هزرە.
-هێشتا لە سووریا بۆشایی ئەمنیی هەیە.
- ئامادەین بۆ بەرەنگاربوونەوی تیرۆر هەماهەنگی لەگەڵ سووریادا بکەین.
-دەکرێت ئاڵوگۆڕی زانیاری لە نێوانماندا هەبێت.