دەمیرتاش: ئۆندەر پێی گوتین تا پرۆسەی ئاشتی بەدی نەیەت، نامەوێت بمرم

ئاڤا نیوز

سەلاحەدین دەمیرتاش، سەرۆکی پێشووی زیندانیکراوی هەدەپە بە نامەیەکی دەستنووس خۆشەویستی و نیگەرانی خۆی بۆ تێکچوونی دۆخی تەندروستی سرەی سورەیا ئۆندەر نیشاندا و دەڵێت: ئۆندەر پێی گوتین تا پرۆسەی ئاشتی بەدی نەیەت، مردن نییە، بە دڵ و بە دوعاکانم لەگەڵ تۆم، خۆشم دەوێیت برا گیانەکەم. 

چیرۆکی سەرەکی: سرەی سورەیا ئۆندەر، پەرلەمانتاری دەم پارتی و ئەندامی شاندی ئیمرالی، شەوی ڕابردوو دۆخی تەندروستی تێکچوو، گەورەترین دەماری خوێنبەری دڵی پچڕاوە و ماوەی 12 کاتژمێرە لە ژووری نەشتەرگەریدایە، هێشتا تەندروستی لە ژێر مەترسیدایە و شەڕی مانەوەی ژیان دەکات.

بڵاوکراوەی فەرمی: دەمیرتاش نامەیەکی بەدەستنووسی خۆی بڵاوکردووەتەوە و نووسیویەتی: ئۆندەر دوایینجار کە سەردانیکردم لە زیندان، دۆخی تەندروستی تێکچوو و ئازاری دڵی هەبوو، بەڵام ڕێگەی نەدا بیبەینە نەخۆشخانە، لەوێ  من و پەروین و ئەحمەد تورک چاومان پر ئاو بوو، ئۆندەر ئاوڕی دایەوە و گوتی : تا پڕۆسەی ئاشتی بەدی نەیەت، مردن نییە، ها!، لەوێدا بەڵێنمان بەیەکدی دا، سەرەتا پڕۆسەی ئاشتی چارەسەرکەین، دواتر مردنیش فەرمانی خودایە".

دەمیرتاش دەڵێت: پێویستە خەڵکی تورک و کورد بزانن، ئەم پیاوە بە جەرگە، هەوڵ و ماندووبوونێکی زۆری داوە بۆ پڕۆسەی ئاشتی و ئازادی کورد. بۆیە ڕێزی ئەو زۆر بەنرخە. من دڵنیام چاک دەبێتەوە، پرۆسەی ئاشتی سەردەگرێت و بە فرمێسکی شادییەوە شانازی بە هەوڵەکانییەوە دەکات. "نزاکانمان و دڵمان لەگەڵ تۆیە، خۆشم دەوێیت برا گیانەکەم". 

دەقی نامە دەستنووسەکەی دەمیرتاش بە زمانی تورکی