مەسرور بارزانی: نابێت هەرێمی کوردستان ببێتە بەشێک لە ململانێکانی ناوچەکە

ئاڤا نیوز

سەرۆکوەزیرانی هەرێمی کوردستان لە میانەی بەشداریکردنی لە نۆیەمین دیداری سلێمانی باسی لە گۆڕانکارییەکانی ناوچەکە کرد و ڕایگەیاند، نابێت هەرێمی کوردستان ببێتە بەشێک لە ململانێکانی ناوچەکە.

وێنە گەورەکە: سەرۆکوەزیرانی هەرێمی کوردستان لە دیداری سلێمانی تیشکی خستە سەر گۆڕانکارییەکانی ناوچە و عێراق و جیهان. وتیشی، گۆڕانکارییەکانی ناوچەکە بارودۆخێكی نوێیان هێنایە کایەوە، سیاسەتی حکومەتی هەرێمی کوردستان دەبێت بەجۆرێک بێت کە ڕێگر بێت لە تێکدانی سەقامگیری ناوچەکە.

لێدوانی فەرمی: سەرۆکوەزیران مەسرور بارزانی، ڕایگەیاند، قورسە خوێندنەوەیەکی ورد بۆ گۆڕانکارییەکانی ناوچەکە بکرێت، نابێت هەرێمی کوردستان ببێتە بەشێک لە ململانێکانی ناوچەکە، هەر هەنگاوێک بۆ سەقامگیری ناوچەکە هەبێت هەرێمی کوردستان لەو بەرەیەدایە.

- "ئێمە پەیوەندییەکی دوور و درێژمان لەگەڵ ئەمریکا هەیە، بەشێکی ئیدارەی نوێی ئەمریکا دۆستی ئێمەن".

- دەکرێت کوردانی سووریا سوود لە ئەزموونی هەرێمی کوردستان وەرگرن، کوردانی سووریا بە یەکگرتوویی دەتوانن مافەکانیان بەدەستبێنن، دەسەڵاتی ئێستای سووریا نەیتوانیوە کۆنترۆڵی تەواوی وڵاتەکە بکات، سووریا دۆخێکی نالەباری ئابووری هەیە و پێویستی بە هاوکاری نێودەوڵەتی هەیە.

- کوردانی سووریا دەتوانن ببنە بەشێک لە داهاتووی وڵاتەکە.

- گۆڕانکارییەکی خێرا  و هەستیار لە ناوچەکە ڕوودەدات.