ئیدارەی ترەمپ بۆ زانکۆی هارڤارد: مەرجەکانمان قبووڵ نەکەن ڕێگەنادەین خوێندکاری بیانی وەربگرن

ئاڤا نیوز

 

ئیدارەی ئەمریکا هۆشداری دەداتە زانکۆی هارڤارد لەوەی ئەگەر پابەند نەبن بە مەرجەکانی دۆناڵد ترەمپ کە خۆی دەبینێتەوە لە چاودێریکردنی مەرجەکانی وەرگرتنی خوێندکاران، دامەزارندنی کارمەند و وردبینی کردنی پرۆگرامە ئەکادیمییەکانی ئەو زانکۆیە؛  ئەوا "ڕێگە بە زانکۆکە نادەن خوێندکاری وڵاتانی بیانی وەربگرن".

بۆچی گرنگە: ئەم بڕیارەی ترەمپ بەهۆی نارەزایەتی و خۆپیشاندانی خوێندکارانی ئەو زانکۆیەیە لە دژی هێرشە بەردەوامەکانی ئیسرائیل بۆ سەر غەززە.

 

زانیاریی زیاتر: ئەم بڕیارەی ترەمپ لەکاتێکدایە کە خوێندکارە بیانییەکان 27.2٪ی خوێندکارانی ئەو زانکۆیە پێک دێنن.

 

ڕاگەیێندراوی فەرمی: وەزارەتی ئاسایشی ناوخۆی ئەمریکا ڕایگەیاندووە، "ئەگەر زانکۆی هارڤارد نەتوانێت پابەندبوونی تەواو بە مەرجەکانی حکومەت نیشان بدات، بەوەی ڕاپۆرت بە حکومەت بدەن، ئەوا زانکۆکە مافی وەرگرتنی خوێندکاری نێودەوڵەتی لەدەست دەدات".

 

لەلایەکی دیکەوە: ترەمپ لە تۆڕی کۆمەڵایەتی "تروس سۆشیال" نووسیویەتی: چیتر ناتوانرێت هارڤارد بە شوێنێکی شایستە بۆ فێربوون هەژمار بکرێت، هەروەها نابێت لە هیچ لیستێکی باشترین زانکۆ یان کۆلێژەکانی جیهاندا جێگیر بکرێت.

- هارڤارد گاڵتەجارییەکە کە خوێندکار فێری ڕق و گەمژەیی دەکات و نابێت چیتر پارەی حکومەت وەربگرێت.