مەسرور بارزانی و باڵیۆزی ئەڵمانیا: پێش هەڵبژاردنی پەرلەمانی عێراق کابینەی نوێ پێکبهێنرێت

کوردستان
17 نیسان

شەیری بکە لە:

مەسرور بارزانی و باڵیۆزی ئەڵمانیا: پێش هەڵبژاردنی پەرلەمانی عێراق کابینەی نوێ پێکبهێنرێت

سەرۆکوەزیران مەسرور بارزانی و كريستيانه‌ هۆمان، باڵيۆزى نوێى ئه‌ڵمانيا له‌ عێراق

ئاڤا نیوز

سەرۆکوەزیران مەسرور بارزانی و باڵیۆزی نوێی ئەڵمانیا لە عێراق کۆبوونەوە و هەردوولا "کۆک بوون لەسەر ئەوەی پێویستە کابینەیەکی بەهێز و یەکگرتوو لە نزیکترین کات و بەر لە هەڵبژاردنی ئەنجوومەنی نوێنەرانی عێراق پێکبهێبرێت".

وێنە گەورەکە: ئەمڕۆ پێنجشەممە 17ـی 4ـی 2025، سەرۆکوەزیران مەسرور بارزانی و كريستيانه‌ هۆمان، باڵيۆزى نوێى ئه‌ڵمانيا له‌ عێراق کۆبوونەوە؛ هەوڵەکانی پێکهێنانی کابینەی دەیەمی حکومەتی هەرێمی کوردستان، دەستپێکردنەوەی هەناردەی نەوت، پشتیووانییەکانی ئەڵمانیا بۆ هێزی پێشمەرگە باسیان لێوەکرا.

بڵاوکراوەی فەرمی: سەرۆکوەزیران مەسرور بارزانی لە هەژماری تایبەتی خۆی لە تۆڕی کۆمەڵایەتیی فەیسبووک لەبارەی کۆبوونەوەکەوە نووسیوویەتیی، "هەوڵەکانی پێکهێنانی کابینەی دەیەمی حکومەتی هەرێمی کوردستانمان تاوتوێ کرد و هەردوولا کۆک بووین لەسەر ئەوەی پێویستە کابینەیەکی بەهێز و یەکگرتوو لە نزیکترین کات و بەر لە هەڵبژاردنی ئەنجوومەنی نوێنەرانی عێراق پێکبهێبرێت."

زانیاریی زیاتر: "هەروەها جەختمان لە گرنگیی نەهێشتنی هەموو کێشە و ئاستەنگ و بیانووەکانی بەردەم دەستپێکردنەوەی هەناردەکردنی نەوتی هەرێمی کوردستان کردەوە".

ئەوەی پێویستە بیزانیت: باڵیۆزی ئەڵمانیا پشتیووانیی وڵاتەکەی بۆ هێزی پێشمەرگە و هەرێمی کوردستان و خواستی پەرەپێدانی زیاتری پەیوەندیی دوولایەنە دووپات کردەوە.

ئەمەش بزانە: لە بەشێکی دیکەی کۆبوونەوەکەدا بیروڕا لە بارەی دۆخی گشتیی عێراق و دوایین گۆڕانکاریی و پەرەسەندنەکانی ناوچەکە ئاڵوگۆڕ کرا.