خامنەیی نامەیەک بۆ پووتین دەنێرێت

ئاڤا نیوز

 

ڕۆژی پێنجشەممە، شاندێکی باڵای ئێران بەرەو مۆسکۆ بەڕێدەکەون بۆ تاوتوێکردنی چەندین پرسی سەرەکی ناوچەکە و گەیاندنی نامەیەکی خامنەیی بۆ پووتین.

 

زانیاریی بەدەستهاتوو: ئاژانسی هەواڵی ئێران بڵاویکردەوە، ڕۆژی پێنجشەممە، 17-4-2025، عەباس عێراقچی، وەزیری دەرەوەی ئێران بە یاوەری شاندێکی باڵا سەردانی مۆسکۆی پایتەختی ڕووسیا دەکات, بە مەبەستی گفتوگۆ و تاوتوێکردنی پرسە گرنگەکانی ناوچەکە لەگەڵ بەرپرسە باڵاکانی ئەو وڵاتە.

 

ئەوەی لەو بارەیەوە دەگوترێت: بەپێی ئاژانسەکە، عێراقچی نامەیەکی عەلی خامنەیی، ڕێبەری باڵای کۆماری ئیسلامی ئێران دەگەیێنێتە ڤلادیمێر پووتین، سەرۆکی ڕووسیا بەبێ ئەوەی زانیاریی زیاتر لە بارەی ناوەڕۆکی نامەکە ئاشکرا بکرێت.

 

ئەمەش بزانە:  ئیسماعیل بەقائی، وتەبێژی وەزارەتی دەرەوەی ئێران  پیشتر ڕایگەیاند، وەزیری دەرەوەی وڵات لە کۆتایی هەفتەکەدا بەسەردانێک کە پێشتر پلانی بۆ دانراوە سەردانی مۆسکۆ دەکات و  ئامانج لێی گفتۆگۆکردنە لەبارەی دانووستانەکانی شاندی ئەمریکا و ئێران،  پتەوکردنی پەیوەندییەکانی نێوان هەردوو وڵات  و  هەماهەنگی زیاتر بۆ پرسە نێودەوڵەتییەکان.