هەژماری من و بانکی TBI ڕێککەوتن لەسەر دانانی ئامێری ڕاکێشانی پارە

ئاڤا نیوز

 

هەژماری من و بانکی TBI ڕێککەوتن لەسەر دانانی ئامێری ڕاکێشانی پارە ATM بۆ بەشداربووانی پڕۆژەی هەژماری من لەو بانکە.

 

وێنە گەورەکە: بە ئامانجی هێنانەکایەی ئاسانکاریی زیاتر بۆ هاووڵاتییانی هەرێمی کوردستان، حکومەت بەردەوامە لە پتەوکردنی ژێرخانی بە دیجیتاڵکردن و لەو چوارچێوەیەشدا دەیەوێت سەرجەم مووچەخۆران لە ڕێگەی هەژماری منەوە مووچەکانیان وەربگرن و تا ئێستا پرۆسەکە لەکەرتی گشتیی بەردەوامە و دوای ئەوە کەرتی تایبەتیش دەگرێتەوە.

 

لێدوانی فەرمی: تیمی هەژماری من بە ئاڤای ڕاگەیاند، "لەگەڵ بانکی TBI ڕێککەوتووین، بۆ هەر هەزار مووچەخۆر ئامێرێکی ATM دابنێت، ئێستا 40 هەزار مووچەخۆر لەو بانکە تۆمارکراون، دەبێت 40 ئامێری ڕاکێشانی پارە لە ناوچە جیاوازەکانی هەرێمی کوردستان دابنێت."

 

زانیاریی زیاتر: لەکۆی 40 هەزار بەشداربووی هەژماری من کە لە بانکی TBI تۆمارکراون، 19 هەزاریان کارتیان بۆ گەڕاوەتەوە و دەتوانن لە ئامێری ڕاکێشانی مووچەکانیان ڕابکێشن.