سەرۆكوەزیران مەسرور بارزانی و جێگری وەزیری دەرەوەی توركیا چەند پرسێکی گرنگ تاوتوێ دەکەن

ئاڤا نیوز

 

سەرۆكوەزیران مەسرور بارزانی پێشوازیی لە نوح یەڵماز، جێگری وەزیری دەرەوەی توركیا كرد و لە دیدارێكدا چەند پرسێكیان تاووتوێ كرد و لەوانە دەستپێكردنەوەی هەناردەكردنی نەوتی هەرێمی كوردستان.

 

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە فەیسبووك ڕایگەیاند:

- پێشوازیمان له‌ نوح یەڵماز‌، جێگری وەزیری دەرەوەی تورکیا كرد، برەودان بە پەیوەندیی دوولایەنە لە بوارە جۆراوجۆرەکاندا و دوایین پێشهات و گۆڕانکارییەکانی دۆخی گشتیی عێراق و ناوچەکەمان تاووتوێ کرد. 

- گفتوگۆمان لەبارەی گرنگیی دەستپێکردنەوەی هەناردەکردنەوەی نەوتی هەرێمی کوردستان لە ڕێگەی بەندەری جەیهان کرد. 

- باسمان لە گرنگیی ئەنجامدانی پڕۆژەی ستراتیژی ڕێگەی گەشەپێدان و بەستنەوەی وڵاتانی کەنداو و عێراق و هەرێمی بە تورکیا و ئەوروپا لە ڕێگەی هێڵی ئاسنین کرد.

- بیروڕامان لەبارەی پرۆسەی ئاشتی لە تورکیا ئاڵۆگۆڕ کرد و پشتیوانیی خۆمان بۆ سەرخستنی پرۆسەکە دووپات کردەوە، لەمبارەیەوە جێگری وەزیری دەرەوەی تورکیا ، سوپاسی کردین بۆ پشتیوانیی لە پرۆسەکە.