ڕووسیا تەرمی 909 سەرباز بۆ ئۆکراینا دەگەڕێنێتەوە

ئاڤا نیوز

ئۆکراینا ڕایگەیاند، تەرمی 909 سەربازیی وڵاتەکەی وەرگرتوونەتەوە کە لە میانەی جەنگ لەگەڵ ڕووسیا کوژراون.

ڕاگەیێنراوی فەرمی: بارەگاکانی هاوئاهەنگی بۆ چارەسەری دیلەکانی جەنگ کە ئاژانسێکی حکومەتی ئۆکراینایە، لە ڕاگەیێنراوێکدا ئاماژەی بەڕادەستکردنەوەکە کردووە. 

ئەوەی پیویستە بیزانیت: لە ماوەی سێ هەفتەدا، ئەمە دووەمین ڕادەستکردنەوەی تەرمی سەربازانی ئۆکراینایە لەلایەن ڕووسیاوە. جاری پێشووش 909 تەرمی سەربازان ڕادەستی ئۆکراینا کرابوونەوە.

ئەمەش بزانە: سەرەڕای هەوڵەکانی ئاگربەست، بەڵام شەڕی نێوان ڕووسیا و ئۆکراینا بەردەوامە و ڕادەستکردنەوەی ئەم ژمارە زۆرە لە قوربانییان نیشانەی سەختیی جەنگەکەیە.