لە گەرمیان ڕاهێنەرێكی تۆپی پێ بە چەقۆ هێرش دەكاتە سەر سێ یاریزان

ئاڤا نیوز

ڕاهێنەری یانەیەكی وەرزشی لە گەرمیان لە كاتی یاریكردندا بە چەقۆ هێرشی كردە سەر چەند یاریزانێك و زامداری كردن.

لێدوانی فەرمی: عەقید عەلی جەمال قدووری، گوتەبێژی پۆلیسی گەرمیان ڕایگەیاند: دوو تیپی وەرزشیی تۆپی پێی ناحیەی ڕزگاری بۆ یاریكردن چوونەتە قەزای كەلار و لەوێ لەكاتی یاریكردندا لەگەڵ یانەی بەرامبەر گرژی لەنێوان یاریزانانی هەردوولا دروست بووە و ڕاهێنەری تپیەكەی ناحیەی ڕزگاری بە چەقۆ هێرشی كردووەتە سەر یاریزانانی یانەی بەرامبەر.

زانیاریی زیاتر: بەپێی گوتەی پۆلیسی گەرمیان، ڕاهێنەرەكە سێ یاریزانی بەرامبەری بریندار كردووە و بۆ چارەسەركردن ڕەوانەی نەخۆشخانە كراون.

ئەوەی پێویستە بیزانیت: هێرشكارەكە ناوی (س - ر - ح)ـەو بە بڕیاری دادوەر بەپێی ماددەی 413 بەند كراوە.