نەتەوە یەکگرتووەکان ڕۆڵی سەرۆک بارزانی لە دوورخستنەوەی عێراق لە مەترسی بەرز دەنرخێنێت

ئاڤا نیوز

نوێنەری تایبەتی ئەمینداری گشتی نەتەوە یەکگرتووەکان له عێراق، ڕۆڵی سەرۆک بارزانی بەرز دەنرخێنێت بۆ دوورخستنەوەی عێراق لە زۆر مەترسی گەورە.

وێنە گەورەکە: بەهۆی گۆڕانکارییە خێراکانی ناوچەکە، بە تایبەت شەڕی ئیسرائیل و حەماس لە لایەک و ئیسرائیل و لوبنان لە لایەکی ترەوە، وە هەڕەشەکانی ئەمریکا و ئیسرائیل بۆ سەر ئێران، مەترسی زۆر کەوتە سەر عێراق بەهۆی بوونی گرووپە چەکدارەکانی نزیک لە ئێران لەو وڵاتە.

لێدوانی فەرمی: محەممەد حەسان ، نوێنەری تایبەتی ئەمینداری گشتی نەتەوە یەکگرتووەکان لە عێراق، بەئاڤای ڕاگەیاند: دەستخۆشی لە هەوڵەکانی حکومەتی عێراق و سەرۆک مەسعود بارزانی دەکەم، کە عێراقیان لە زۆر مەترسی دوور خستەوە، چونکە ئێمە لەنزیکەوە ئاگادارین کە چۆن بۆ دوورخستنەوەی شەڕ و ماڵوێرانی نەوەک تەنیا لە عێراق، بگرە لەناوچەکەش کاریان کرد.

زانیاریی زیاتر: بە گوتەی حەسان، هەرچەندە 31ـی کانوونی یەکەمی ئەمساڵ کارەکانی نەتەوە یەکگرتووەکان له عێراق کۆتایی دێت، بەڵام بەشێک لە دەزگا تایبەتمەندەکان لە زاخۆوە تا بەسڕە، پڕۆژەکانیان بەردەوام دەبێت .